Sunnudagurinn 26. febrúar

Frítt í garðinn þriðjudaginn 21. febrúar

Nú er að bresta á með vetrarfríi í grunnskólum Reykjavíkur og víðar. Þess vegna verður grunnskólanemendum, foreldrum, ömmum, öfum og systkinum og öllum hinum boðið ókeypis í Fjölskyldu- og húsdýragarðinn á þriðjudaginn (21.febrúar). Dýrin verða heima við en leiktæki sem þurfa mönnun eru lokuð.

Dúfusýning 28.janúar

Skrautdúfusýning verður í Fjölskyldu- og húsdýragarðinum laugardaginn 28 janúar.  Hún herst kl. 11 og stendur til kl. 16 og verður í nýjum skála við hlið Kaffihússins.  Yfir hundrað fuglar af fjölmörgum tegundum og litaafbrigðum verða til sýnis. Mikil gróska er í dúfnarækt um þessar mundir, gamlir dúfnabændur hafa byrjað aftur og nýir bæst í hópinn jafnframt því sem fluttar hafa verið inn nýjar tegundir. Þótt allar dúfur eigi sama forföður, bjargdúfuna, þá er gríðarmikill munur á dúfum sem sjást á torgum stórborga og skrautdúfum sem ræktaðar hafa verið í aldir til þess að ná fram einstökum litaafbrigðum og útliti. Dúfur hafa fylgt mannkyninu í þúsundir ára og verið nýttar til manneldis, póstferða og sem gæludýr. Fyrstu skrautdúfurnar bárust til Íslands með dönskum kaupmönnum á nítjándu öld og hafa verið ræktaðar hér síðan.

Þrettándagleði

Gleðilegt nýtt ár og takk fyrir gamalt

Í dag er síðasti dagur jóla og eins og segir í vísum Jóhannesar úr Kötlum fara síðustu jólasveinarnir þá heim og taka jólaköttin sem dvalið hefur hér í garðinum með sér.

Þrettándanóttin hefur verið talin til magnaðra nátta þar sem opið er á milli heima og okkur fólkinu hefur stundum verið gefið tækifæri til að sjá og heyra ýmislegt sem okkur venjulega er hulið. Sagt hefur verið að nautgripir geti talað mannamál, selir kasti hömum og álfar og huldufólk sé á kreiki. Jafnframt hefur tækifærið verið nýtt og síðustu og sumir vilja meina leiðinlegustu flugeldunum verið skotið á loft enda óheimilt að skjóta upp flugeldum eftir þann tíma.

Flestu dýrum er alls ekki vel við ljósin og lætin sem fylgja flugeldum. Um leið og við starfsfólk FHG vonum að allir skemmti sér vel í kvöld minnum við á að allir ættu að sýna tillitssemi við dýrin og skjóta ekki meira upp fyrr en 28.desember þegar leyfilegt er að gera slíkt að nýju.     

Gleðileg jól

Kæru vinir tvífættir, fjórfættir og margfættir
Okkar bestu óskir um gleðileg jól
Starfsfólk Fjölskyldu- og húsdýragarðsins
 
Turn

Opnunartími um jól og áramót.

Hefðbundinn opnunartími frá kl. 10 til 17 nema á aðfangadag, jóladag, gamlársdag og nýársdag því þá er opið frá kl. 10 til 12 en lokað í Kaffihúsi og Minjagripaverslun / miðasölu. 
Gleðileg jól.

Athugið

Ekki er leyfilegt að koma með gæludýr inn í garðinn.

Öll umferð hjóla, hlaupahjóla, skauta, hjólabretta og annarra slíkra farartækja er óheimil innan garðsins.

Pets are not allowed in the park.

Bicycles, scooters, skates, skateboards and other such vehicles are not allowed inside the park.

Skemmtimiðar

Skemmtimiðar 

1 miði 320 kr
10 miðar 2.550 kr
20 miðar 4.750 kr
Dagpassi 2.200 kr*

*Aðgangseyrir er ekki innifalinn í verði dagpassa.

Aðgangseyrir

Börn 0-4 ára - frítt
Börn 5-12 ára - 650 kr
13 ára og eldri - 860 kr
Öryrkjar - frítt
Ellilífeyrisþegar - frítt
 
Veittur er 10% afsláttur af aðgangseyri ef greitt er fyrir 10 eða fleiri í einu.
 
Einstaklingsárskort - 9.800 kr
Fjölskylduárskort - 19.200 kr
 
Plús* á Fjölskylduárskort - 9.800 kr hver plús 
*(Plús - bjóddu hverjum sem er með í garðinn)

Opnunartími

Opið er alla daga frá 10-17

 

Opnunartími Kaffihúss:

Virkir dagar: 10-16:30

Helgar: 10-16:30